فرحة ما دامتش

1 ـ حشينــــــــــــــــاه !!!!! أوباما ربح اللإنتخابات وباش يولي رئيس أمريكا !
2 ـ علاش حشيناه ؟
1 ـ ما تقليش ما فيبالكش ؟ أوباما أسود ، وزيد زيادة بوه مسلم ، وجدّاتو مازالت عايشة في كينيا ...
2 ـ أي ؟ ومبعد ؟؟
1 ـ ؟؟؟ تتموسط ياخي ؟ أوباما باش يعاونا . باش يحرر فلسطين ويخرج مالعراق وأفغانستان ويرجع العرب والوصفان لمكانتهم الحقيقية .
2 ـ هاو في بالي ....

ثلاثة يام من بعد :

1 ـ تحشــــــــــــــــالنا !!!!!
2 ـ علاش ؟ آش فمة زادة ؟
1 ـ أوباما عين يهودي في الإدارة متاعو ...
2 ـ أي ؟ ومبعد ؟؟
1 ـ ؟؟؟ تتموسط ياخي ؟ السيد هاذا باش يعاونا أخوتو اليهود . فلسطين أنسا ! العراق وأفغانستان يا من حيا للإنتخابات الجاية . أحنا والوصفان لينا ربي ، فمة كان هو يرجعلنا حقوقنا .
2 ـ هاو في بالي ....

ه