قالك موسى كي وصل للجبل ، قال لأصحابو "استناوني هنا عندي موعد مع يهوه الفوق". قعدوا يستناو فيه . كي ستبطاوه شوية ، قام واحد منهم وقاللهم : "يا جماعة ، آش قولكم نصنعو عجل من ذهب ونقعدو نعبدو فيه على ما جا موسى ؟" . قالولو "الله يبارك" . وكان لعمل هكاكة . جا موسى بعد مديدة هازز في يدو لوحتين . "يا موسى ، تي شنوة جبتلنا من الجبل ؟" قالهم "هاذي ألواح الشريعة اللي آمرنا بيها يهوه" . وقعد يقرالهم في الوصايا . "الوصية لولى : ما تنطقش اسم يهوه في الفارغ .... الوصية الثانية .... الوصية الخامسة : ما تقتلش ... الوصية السادسة : ما تزناش... الوصية السابعة..." حتى للوصية العاشرة .
تلفت موسى يلقى العجل الذهبي واقف والناس تعبد فيه . طلعتلو الكلبة بنت الكلب . طيش هاك اللوحتين على طول يدو ياخي جاو على حجرة وتكسروا . قاللهم : "باهي ، آنا موش وصيتكم ما تعبدو كان يهوه ، علاش تعبدو في عجل صنعتوه بيديكم ؟ اللي ما عبدوش العجل يجيوا معايا وباش نعاقبوا لخرين اللي تجرأوا يعبدو عجل مصنوع ." لمّ الجماعة معاه وقالهم : "اللي ريتوه يعبد في العجل اقتلوه من غير ما تشاوروني" .
3 آلاف يهودي ماتوا في النهار هذاكة على يد إخوتهم اللي نفذوا فيهم أوامر موسى .
وكيما يقول أوبرمنش : "عصيان الأوامر الإلهية ولى فن قايم الأصول عند بني البشر !"
تلفت موسى يلقى العجل الذهبي واقف والناس تعبد فيه . طلعتلو الكلبة بنت الكلب . طيش هاك اللوحتين على طول يدو ياخي جاو على حجرة وتكسروا . قاللهم : "باهي ، آنا موش وصيتكم ما تعبدو كان يهوه ، علاش تعبدو في عجل صنعتوه بيديكم ؟ اللي ما عبدوش العجل يجيوا معايا وباش نعاقبوا لخرين اللي تجرأوا يعبدو عجل مصنوع ." لمّ الجماعة معاه وقالهم : "اللي ريتوه يعبد في العجل اقتلوه من غير ما تشاوروني" .
3 آلاف يهودي ماتوا في النهار هذاكة على يد إخوتهم اللي نفذوا فيهم أوامر موسى .
وكيما يقول أوبرمنش : "عصيان الأوامر الإلهية ولى فن قايم الأصول عند بني البشر !"
هناك تعليقان (2):
مبروكة عليكم المدونة الجديدة.
هو راهو تجي تلوم تعذر على خاطر موسى ما قالش لأصحابو اللي الوصية الخامسة مكتوبة بالخط الأحمر و زيد بالكبير :)
تي هاو أصحاب موسى هوما أول من خالفو الوصية الخامسة :-)
إرسال تعليق